रेठरे बुद्रुक (सातारा) : यशवंतराव मोहिते कृष्णा सहकारी साखर कारखाना कार्यस्थळावर कराडचे उपविभागीय अधिकारी हिंमतराव खराडे यांच्या हस्ते वृक्षारोपण करण्यात आले.
महाराष्ट्र शासनाच्या चार कोटी वृक्षलागवड योजनेअंतर्गत आयोजित या कार्यक्रमाला कराड तालुका कृषी अधिकारी दत्तत्रय खरात, वाळवा तालुका उपविभागीय अधिकारी राजेंद्रकुमार जाधव, राजारामबापू कारखान्याचे उपाध्यक्ष विजय पाटील, उपाध्यक्ष लिंबाजीराव पाटील, संचालक जगदीश जगताप, गुणवंत पाटील, दिलीप पाटील, संजय पाटील, अमोल गुरव, ब्रिजराज मोहिते, पांडुरंग होनमाने, सुजित मोरे, मनोज पाटील, कार्यकारी संचालक सूर्यकांत दळवी, पंचायत समिती सदस्य सुनील पोळ, कृष्णा बँकेचे माजी संचालक ए. डी. जाधव, किल्ले मच्छिंद्रगडचे उपसरपंच व्यंकटराव जाधव आदींची प्रमुख उपस्थिती होती. कारखाना कार्यस्थळ व कंपोस्ट यार्ड या ठिकाणी कारखान्याकडून ५०१ झाडे लावण्यात येणार आहेत. या वेळी सर्व खातेप्रमुख, अधिकारी, कर्मचारी उपस्थित होते.
